WENGINE WAWILI WATWAA TIKETI ZA COCA KWENDA SAUZ

Meneja mkuu wa Bonite, Gilbert Uisso akiwaasa watu kunywa soda ya coca,fanta na Srite ili kujishindia zawadi mbalimbali zikiwemo TV, Tshirt, soda ya bure na tiketi ya kwenda kushuhudia kombe la dunia.


Storiiiiiiii hiiii hapa: NA ISHU YA KUKABIDHI TIKETI IMEFANTIKA LEO MOSHI

MFANYAKAZI wa Benki ya NMB tawi la Ngaranaro mjini Arusha Mitabalulo Semuguruka ameibuka na tiketi ya Bure ya kwea Pipa na Coca cola kwenda kushughudia kombe la FIFA la Dunia nchini Afrika kusini kushughudia mechi ya Brazil na Portugal .
Mshindi mwingine ni Nelson Kundaeli mkazi wa majengo mjini hapa aliyejishindia tiketi ya Kwea Pipa na Coca Cola kwenda kushuhudia mechi hiyo wakati Emmy Mariki alijishindia televisheri aina ya Sony Bravia.
Meneja masoko wa kampuni ya kutengeneza vinywaji baridi jamii ya Coca Cola ya Bonite Bottlers ya mjini Moshi Gilbert Uisso aliwataja washindi wengine kuwa ni pamoja na Saidi Iddi kinyozi mkazi wa Soweto mjini Moshi ambaye amejinyakulia zawadi ya televisheni (TV).

Uisso alitoa wito kwa wateja wa kampuni hiyo kuendelea kunywa soda baridi jamii ya coca cola ambapo zawadi mbali mbali zikiwemo soda za bere,tshert,kofia,televisheni na tiketi za ndege kwa ajili ya kwenda kushughudia kombe la Fifa la Dunia nchini Afrika kusini mwezi Juni mwaka huu.

Akipokea tiketi yake Semuguruka ambaye ni mkazi wa Usa River mkoani Arusha alisema yeye ni shabiki wa tibu ya Livepool na Klabu ya Yanga na kwamba akiwa nchini Afrika kusini atashabikia timu ya Brazil kwa kuwa ni timu nzuri yenye kuinua vipaji vya wachezaji na nidhamu ya hali ya juu katika soka ulimwenguni.

Akipokea tiketi kwa niaba ya Nelson ,Katibu wa chama cha akiba na mikopo cha walimu wilaya ya Moshi vijijini Hubert Mariki akisema sasa ameamini na kufurahishwa na zawadi zinazotolewa na kampuni ya Bonite kuwa ni za kweli na katika sherehe zake zote ataweka vinywaji vya jamii ya coca cola.
‘Nitawafurahisha wageni wangu nyumbani kwa kunywa soda za Coca cola baridiii lakini vizibo vyote vitakuwa mali yangu’alisema Mariki huku akisisitiza wananchi kunywa soda hizo kwa wingi ili waweze kujishindia zawadi mbali mbali.

Mashuhuda wakishuhudia ugawaji wa tiketi kwa washindi uliofanyika kwenye kiwanda cha bonite Moshi.