Helen Dausen,23.
Huyu ni binti kutoka Arusha, amewakilisha vilivyo kanda ya kaskazini kwa kuweza kuwagaragaza warembo wengine 19 walioshiriki shindano la Miss Universe mwaka huu lililofanyika mlimani city jijini dar es salaam usiku wa kuamkia leo.
Kama utani vile lakini ndo hivyo amelitwaa taji la Miss universe lililokuwa linashikiliwa na Iluminata James kutoka jijini Mwanza na sasa ataiwakilisha Tanzania katika shindano la Miss Universe la dunia. Binti huyu kwa taarifa yako wakati wenzake wameanza kambi huko dar es salaam, alikuwa jijini nairobi na Bizness zake, yeye pamoja na Moreen Bomba kutoka Morogoro ndiyo warembo pekee waliochelewa kuripoti kambini kati ya warembo 20 walioshiriki shindano hilo.Kwanini? Sijui....ndugu.
Katika kupamba shindano hilo, msanii wa kizazi kipya nameless alifunika mbaya kiburudani na kuonyesha anastanili kuwa gwiji wa muziki wa kisasa nchini Kenya na Afrika mashariki kwa ujumla.
Shindano la Miss Universe Tanzania lilianza rasmi mwaka 2007 ambapo mrembo Flaviana Matata aliibuka mshindi na kuiwakilisha Tanzania kwenye shindano la dunia la Miss Universe na kufuzu kutinga kwenye hatua ya 10 bora. Miss Universe Tanzania mwaka huu inadhaminiwa na Bia ya Serengeti, PSI, Precision Air , Hoteli ya Giraffe na ukumbi wa Mlimani City.
No comments:
Post a Comment